Үндэсний телевиз
Цагийн хүрд
Найм арваннэг
Энэ оны нэгдүгээр сараас эхлэн хайгуулын тусгай зөвшөөрөл хүссэн өргөдлийн дугаарыг цахим хэлбэрээр олгож эхэлснээс хойш нийт 780 аж ахуйн нэгж Ашигт малтмалын газарт бүртгүүлжээ. Нийт бүртгүүлсэн аж ахуйн нэгжүүдийн 698 нь дотоодын хөрөнгө оруулалттай, 11 нь хамтарсан хөрөнгө оруулалттай, 44 нь гадаадын 100 хувийн хөрөнгө оруулалттай аж ахуйн нэгжүүд байна. Тодруулбал, БНХАУ-ын хөрөнгө оруулалттай 17, Сингапурын хөрөнгө оруулалттай 9, Австралийн хөрөнгө оруулалттай 3, Канадын хөрөнгө оруулалттай 3, Люксенбургийн вант улсын хөрөнгө оруулалттай 3, бусад улсын хөрөнгө оруулалттай 9 аж ахуйн нэгж байгаа юм.
Өнөөдрийг хүртэл цахим хэлбэрээр 720 өргөдлийн дугаар олгосон бөгөөд үүнээс 478 өргөдлийг хүлээн авч шүүлт хийсэн байна. Тодруулбал, 242 цахим дугаар авсан аж ахуйн нэгжүүд цагтаа ирж өргөдлөө гаргаагүй байна. Хайгуулын тусгай зөвшөөрөл хүссэн 478 өргөдлийг хүлээн авч Ашигт малтмалын тухай хуулийн дагуу хянан үзэж 29 тусгай зөвшөөрөл шинээр олгож, 292 өргөдөл гаргасан талбайд хайгуулын тусгай зөвшөөрөл олгох боломжтой тул холбогдох аймгийн Засаг даргын санал авахаар Ашигт малтмалын газраас мэдэгдэл хүргүүлээд байгаа аж.
Түүнчлэн “Тусгай зөвшөөрөл олгох сонгон шалгаруулалтын журам” батлагдсанаас хойш тусгай зөвшөөрөл олгох сонгон шалгаруулалтыг зохион байгуулах бэлтгэл ажлыг хангаж Баян-Өлгий, Говь-Алтай, Өмнөговь, Ховд, Төв, Увс, Хэнтий, Завхан, Дорноговь зэрэг нийт есөн аймгийн 195840 га бүхий эхний 29 талбайд орон нутгийн удирдлагаас санал авсан ба дэмжиж санал ирүүлсэн найман талбайд хайгуулын тусгай зөвшөөрөл олгох сонгон шалгаруулалт зарлаад байгаа ажээ.
| Хайгуулын тусгай зөвшөөрөл хүссэн 780 аж ахуйн нэгж байна | ||
| Үзсэн: 942 | Mongolian National Broadcaster |
Б.Цоожчулуунцэцэг
М.Золзаяа
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.