Төр, хувийн хэвшлийн түншлэлд тулгуурлан нийслэлийг хөгжүүлнэ гэж холбогдох албаныхан хэллээ. Учир нь нийслэлд жил бүр төсөвлөдөг хөрөнгөөр бүтээн байгуулалт, дэд бүтцийн асуудлыг шийдвэрлэх боломжгүй. Тиймээс гадны буцалтгүй тусламж, хөрөнгө оруулалтыг татахын зэрэгцээ хувийн хэвшлийн аж ахуйн нэгж компаниудыг дэмжин хамтран ажиллах нь чухал байна. Ингэхдээ хаа хаанаа хариуцлагатай байж харилцан итгэлцлийн хүрээнд ажиллах хэрэгтэй гэж Улаанбаатар хотын Худалдааны танхимын ерөнхий захирал О.Амартүвшин ярилаа.