Баян-Өлгий аймгийн Цэнгэл сум энэ онд “Цэнгэлдэх хүрээлэн”-тэй болно. Энэ хүрээлэнг тухайн сумын нутаг дэвсгэрт үйл ажиллагаагаа явуулдаг “SS Mongolia” компанийн охин компани “Ховд голын гянтболд”-ын уурхайн хөрөнгө, ажилчдын хүчээр барьж байгуулах юм байна.

100 сая төгрөгийн төсөвтэй бүтээн байгуулалтын ажлын эхний шат болох газар шороо тэгшлэх, чулуу зөөх зэрэг ажлыг өнгөрсөн намар хийжээ. Ирэх сарын 1-нээс ажлаа эхэлнэ гэж уурхайн инженер н.Бахытжан хэллээ.