Үндэсний телевиз
Цагийн хүрд
Найм арваннэг
Дархан-Уул аймгийн төв шинэ, хуучин Дарханыг төв замаас зайдуу зүүн хэсгээр нь холбох 8 км авто замын эхний хэсэг болох 2.4 км-ыг 6.2 тэрбум төгрөгийн хөрөнгө оруулалтаар “Өсөх-Урам” компани гүйцэтгэж байна. Одоогийн байдлаар ажлын гүйцэтгэл 33 хувьтай, үргэлжилж байна гэж аймгийн ЗДТГ-ын Хөгжлийн бодлогын хэлтсийн хөрөнгө оруулалтын мэргэжилтэн Б.Батсүх хэллээ.
Энэ авто замыг энэ оны 10-р сард ашиглалтад оруулахаар төлөвлөж байгаа юм. Тус аймаг өнгөрсөн онд шинэ Дарханы “16 давхар байр”-ны зүүн урд уулзвараас 27-р байрын хойгуур тойроод “Дархан зочид буудал”-ын урд тал хүртэлх 0.99 км авто замыг засаж шинэчилжээ. Мөн “Хээтэй” хорооллын 0.46 км, Дархан сумын ЗДТГ-ын хойд уулзвараас Төмөр замын гарам хүртэл 0.67 км, олон улсын зам дайрч өнгөрдөг “Монгол алтны уулзвар”-ын замын нэвтрэх чадварыг нэмэгдүүлэх өргөтгөл зэрэг авто замын засвар шинэчлэл хийжээ.
| Дархан-Уул аймагт зам засварын ажлууд үргэлжилж байна | ||
| Үзсэн: 896 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.