Монгол Улсын Ерөнхийлөгчийн зарлигаар ардын жүжигчин Б.Зангад тэргүүтэй, салбар, салбарын тэргүүний ажилчдыг төрийн дээд цол, одон медалиар шагналаа. Үндэсний их баяр наадмыг тохиолдуулан Монгол Улсын Ерөнхийлөгчийн зарлигаар,

- Хөдөлмөрийн баатар цолоор Ардын жүжигчин Б.Зангадыг,

- Ардын жүжигчин цолоор Төрийн их хан хуурч Ц.Цэрэндоржийг

- Аж үйлдвэрийн гавъяат цолоор Д.Шагдар, “Эрдэнэт” үйлдвэрийн орлогч дарга Д.Даваасамбуу нарыг,

- Гавъяат багш цолоор СЭЗДС-ийн багш Б.Зууннаст, ХСИС-ийн багш С.Бадарчи, Булган аймгийн багш Г.Банзрагч,  МУБИС-ийн салбар сургуулийн захирал Д.Цэцэгээ нарыг,

- Гавъяат малчин цолоор Дорнод аймгийн Дашбалбар сумын малчин Д.Долгор, Ховд аймгийн Чандмань сумын малчин Ж.Дулам нарыг,

- Гавъяат механикч цолоор Төв аймгийн иргэн М.Баатаржавыг,

- Гавъяат тээвэрчин цолоор Н.Цэрэндолгорыг,

- Гавъяат уурхайчин цолоор Дархан-Уул аймгийн уурхайчин Л.Батсуурийг,

- Гавъяат тамирчин цолоор “Хүч спорт хороо”-ны тамирчин С.Мияарагчааг,

- Гавъяат уурхайчин цолоор Л.Батсуурийг,

- Соёлын Гавъяат зүтгэлтэн цолоор орчуулагч, яруу найрагч, Ж.Нэргүй нарыг,

- Гавъяат жүжигчин цолоор дуучин Л.Болдбаатарыг

- Гавъяат зүтгэлтэн цолоор “Монгол кино” нэгтгэлийн кино операторч Л.Шаравдоржийг

- Үйлчилгээний Гавъяат ажилтан цолоор ОБЕГ-ын аврагч С.Баавгайг

- Хүний Гавъяат эмч цолоор Эх хүүхдийн эрүүл мэндийн төвийн тасгийн эрхлэгч Ч.Лхамсүрэн, Клиникийн II нэгдсэн эмнэлгийн их эмч Д.Санжаа, Увс аймгийн эмч Н.Чадраабал нарыг,

- Эрүүлийг хамгаалахын Гавъяат ажилтан цолоор Хэнтий аймгийн Өмнөдэлгэр сумын их эмч Д.Ичинноров нарыг тус тус шагналаа.

Шагналыг гардуулах ёслолын үеэр Монгол Улсын Ерөнхийлөгч Цахиагийн Элбэгдоржийн хэлсэн үгэнд анхаарлаа хандуулна уу.