Ховд аймгийн Булган суманд гарсан тарваган тахлын халдварыг тандах, зогсоох ажилд дунджаар 60-70 сая төгрөг зарцууллаа гэж албаныхан мэдэгдэж байна. Тус сумын 14 настай эрэгтэй хүүхэд тарваганы мах идсэнээ нуун, эмнэлэгт орой хандсанаас шалтгаалж, булчирхай хэлбэрийн тахлаар өвдөн, амь насаа алдсан юм. 20 орчим тээврийн хэрэгсэл, 60 гаруй мэргэжилтэн долоо хоногийн турш халдвар гарсан бүсэд шуурхай ажиллажээ. Халдвартай иргэнтэй ойр харьцсан 340 гаруй иргэнийг үзлэгт хамруулж, тухайн сум орон нутагт хөл хорио тогтоон, судалгаа шинжилгээ явуулсан юм. Зоонозын өвчин судлалын үндэсний төвийн захирал Н.Цогбадрахын ярианд анхаарлаа хандуулъя.

Маш хурдан халдвар тархах эрсдэлтэй, эдийн засаг болон хүний эрүүл мэнд, амь насаараа хохирох гарз ихтэй, гоц халдварт өвчин болох тарваган тахлаас урьдчилан сэргийлэхийг ард иргэдэд анхааруулж байна. Энэ тухай дэлгэрэнгүй мэдээллийг өнөөдөр 18:00 цагаас  "Тусгал" мэдээллийн хөтөлбөрөөс хүлээн авч сонсоорой.