Тавдугаар дулааны цахилгаан станцыг барьж байгуулахад 1.5 тэрбум америк доллар шаардлагатай байгааг албаныхан хэлж байна. Энэ мөнгийг улсын төсвөөс гаргалгүйгээр бүтээн байгуулалтын ажлаа концессоор гүйцэтгэх нь зөв гэж тэд тайлбарлалаа.
Одоогоор салбарын яам болон холбогдох албаныхан гадны нэр хүндтэй түншлэлийг концесс эзэмшигчээр шалгаруулж, өнөөдөр тэдэнтэй “Эрчим хүч худалдах, худалдан авах гэрээ” байгууллаа. Ингэснээр хөрөнгө босгох, барилгын ажлыг эхлүүлэхэд нэг алхам ойртож байна гэж ЭХЯ-ны Стратеги бодлого төлөвлөлтийн газрын дарга П.Товуудорж ярьж байна.

Эрчим хүчний яам бүтээн байгуулалтыг гүйцэтгэх гадаадын хөрөнгө оруулагчидтай “Эрчим хүч худалдах, худалдан авах гэрээ” байгууллаа. Мөн ойрын нэг жилийн хугацаанд газар, ус ашиглах гэрээ зэргийг байгуулснаар, ирэх оны нэгдүгээр улиралд V цахилгаан станцын барилгын ажил эхэлнэ. 
Сонсогчид та бүхэн V цахилгаан станцын бүтээн байгуулалтын талаарх дэлгэрэнгүйг өнөөдрийн /2015.07.29/ “Тусгал” мэдээллийн шууд хөтөлбөрөөс хүлээн авч сонсоорой.