Үндэсний телевиз
Цагийн хүрд
Найм арваннэг
Монголын Залуучуудын Холбоо Төв аймгийн Баян сумын нутагт байрлах ШШГЕГ-ын харьяа Мааньтын хорих 415 дугаар ангийн албан хаагчид болон хүмүүжигч нарт ном бэлэглэх, амьдралын эерэг хандлагад уриалсан өдөрлөгийг энэ сарын 16-нд амжилттай зохион байгууллаа. Хүмүүжигчдийг ял эдэлж байх хугацаанд нь нийгэмшүүлэх, тэднийг амьдралын зөв дадал хэвшилд уриалах зорилгоор зохион байгуулсан уг өдөрлөгт 500 гаруй хүмүүжигч хамрагдсан юм. Өдөрлөгөөр Сургалт судалгааны Полиси төвийн гүйцэтгэх захирал Г.Чойжамц “Амьдрал бол бэлэг” сэдвээр сургалт, лекц зохион байгуулж, халуун дулаан яриа өрнүүллээ. Мөн “Номын сар”-ынхаа хүрээнд 100 гаруй номыг 415 дугаар ангийн номын санд хандивлалаа.
Тус хорих ангид 500 гаруй хүмүүжигч хоригдож байгаа бөгөөд тэдний олонх нь 20-35 насны залуус байдаг байна. Эдгээр хүмүүжигчийг нас, насаар нь ангилан сургалт зохион байгуулдаг бөгөөд одоогоор мэргэжил эзэмшүүлэх гурван төрлийн сургалт болж байгаа аж. Эдгээр хүмүүжигчийн 30 орчим хувь нь өөрийн гэсэн мэргэжилтэй болсон бол 40-50 хувь нь ангийн аж ахуйн үйлчилгээ, гэрээт байгууллагуудад тогтмол ажил хийдэг аж.
| Монголын Залуучуудын Холбоо хүмүүжигч нарт сургалт зохион байгууллаа | ||
| Үзсэн: 1863 | Mongolian National Broadcaster |
М.Золзаяа
Шог зураач Л.Мөнхбат
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.