Чингис бондын санхүүжилтээр Ухаахудагаас Гашуунсухайт хүртэлх 267 км төмөр замын суурийн ажлыг хэрэгжүүлэхээр хөрөнгө зарцуулсан. Төмөр замын далан, гүүр, хоолойн ажлыг эс тооцвол өнөөдөр нэг км ч төмөр зам бодитоор баригдаагүй байна. Манай сурвалжлах хэсэг Өмнөговь аймагт ажиллаад ирлээ.

Монгол Улс түүхэндээ анх удаа 1-р зэрэглэлийн төмөр замтай болох эхлэлийг Төрөөс төмөр замын тээврийн талаар баримтлах бодлогын баримт бичиг гаргаснаар баталсан. Таван жилийн хугацаа өнгөрөөд байгаа ч ажил дөнгөж л эхлэлийн шатандаа очоод хоёр, гурван жилээр гацчихаад байна. Энэ нь санхүү мөнгөний асуудалтай холбоотой ч төрийн бодлого, шийдвэр энэ бүтээн байгуулалтад багагүй тээг болсон гэдэгтэй санал нийлэх хүн олон. Уг ажилд нэг тэрбум 150 сая ам доллар шаардлагатай гэсэн тооцоо гарсан байдаг. Цаг хугацаа алдах тусам энэ тоо өссөөр л байх болно гэдгийг хэн хүнгүй мэдэж байгаа ч ажил зогссон хэвээр байна.

Дээрх асуудлын мөрөөр "Монголын Мэдээ" сувгийн эрэн сурвалжлах нэвтрүүлгийн баг  ажиллаж байна. Бидний бэлтгэсэн  “Эх сурвалж” нэвтрүүлгийг баасан гарагийн 21.00 цагаас дэлгэрэнгүйгээр нь хүлээн авч үзээрэй.