
Дэлхий нийтээрээ жил бүрийн 12 дугаар сарын 5-нд “Сайн дурынхны өдөр”-ийг тэмдэглэн өнгөрүүлдэг уламжлалтай билээ. Тэгвэл уг өдрийг тохиолдуулан “Олон улсын хөгжлийн төлөө Австралийн сайн дурынхан” хөтөлбөр, Монголын Залуучуудын Холбоо хамтран “Олон улсын сайн дурынхны өдөр 2015” өдөрлөгийг МЗХ-ны Залуус танхимд зохион байгууллаа.
Өдөрлөгт Монголд суугаа Австралийн Консул Брендан Коен тэргүүтэй зохион байгуулагч талуудын хүндэт зочид, Монгол дахь гадаад, дотоодын сайн дурын ажилтнууд, Олон улсын байгууллагын төлөөлөл гээд 150 орчим сайн дурынхан оролцсон юм. Арга хэмжээний гол зорилго нь сайн дурын үйл ажиллагааны ач холбогдол, үүргийн талаар ойлголт өгөх байсан юм.
Мөн энэ үеэр дотоод, гадаадын сайн дурынхны төлөөлөл Монголд явуулдаг үйл ажиллагааныхаа талаар товч танилцуулсан төдийгүй шилдэг сайн дурын ажилтнууд болон сайн дурын үйлсэд ихээхэн хувь нэмэр оруулан ажиллаж буй Олон улсын хөгжлийн төлөө Австралийн сайн дурынхан” хөтөлбөрийн хамт олонд хүндэтгэл үзүүлэн, шагнал гардууллаа.
Цаашлаад оролцогчид хоорондоо танилцах, туршлагаасаа хуваалцах, сайн дурынхны бусад байгууллагын үйл ажиллагаатай танилцах, сайн дурын үйл ажиллагааны боломжуудын талаар мэдээлэл авсан юм.




Олон улсын сайн дурынхны өдөрлөг боллоо | ||
Үзсэн: 1227 | Mongolian National Broadcaster |
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.