“Рио-2016” зуны олимпийн наадмаас ямар улсын тамирчид хэдэн медаль хүртэх тухай судалгааг гадаадын улсууд гаргажээ. Ингэхдээ манай тамирчдыг хоёр алт, гурван мөнгө, таван хүрэл медаль хүртэнэ хэмээн таамагласан байна. Гэхдээ чухам хэн, хэн медаль хүртэх магадлалтайг нууцалжээ.

“Бээжин-2008” зуны олимпоос Монгол Улсын Хөдөлмөрийн баатар, Гавьяат тамирчин Н.Түвшинбаяр, Э.Бадар-Ууган нарыг алтан медаль хүртсэний дараа манай залуу тамирчдын сэтгэлзүй олимпийн аварга болохоор бэлтгэжсэн. Тиймдээ ч “Лондон-2012” олимпоос мөн л хэдэн медаль хүртэж чадсан. Энэ их сэтгэлийн хүч дээр нь дээрх судалгаа гарсан нь бүр их “түймэр тавьсан” хэрэг боллоо. Тиймээс элэг нэгт тамирчдадаа улам их амжилт хүсч, тус судалгааг давсан амжилт гаргахыг хүсье.