Үндэсний телевиз
Цагийн хүрд
Найм арваннэг
Умард Солонгосын эрх баригчид ойрындолоо хоногийн хугацаанд алсын тусгалтай баллистик пуужин хөөргөхөөр зэхэж байж болзошгүй байна. Сүүлийн үед хийгдсэн хиймэл дагуулын зургууд үүнийг гэрчилж байгаа талаар японы “Киодо” агентлаг засгийн газрынхаа эх сурвалжид тулгуурлан мэдээлсэн байна. Энд сануулахад, энэ оны нэгдүгээр сарын 6-нд Пхеньян устөрөгчийн бөмбөг амжилттай туршсанаа зарласан.
Ерөнхийдөө сүүлийн арван жилийн хугацаанд Умард Солонгос улс 2006, 2009, 2013 онуудад гурван удаа цөмийн туршилт хийсэн юм. Үүнийх нь улмаас НҮБ-ын Аюулгүйн зөвлөл, АНУ, Япон, Өмнөд Солонгосын зүгээс Пхеньяны эсрэг төрөл бүрийн хориг арга хэмжээ тогтоосон билээ. Энэ онынэгдүгээр сарын 16-наас өмнөх хоёр жилийн хугацаанд тэхдээ Пхеньян цөмийн туршилт явуулаагүй, Өмнөд Солонгос, АНУ-ын хамтарсан цэргийн сургуулийн хариуд гагцхүү баллистик пуужин хөөргөсөн юм.
Харин өнөөдрийн байдлаар, Өмнөд Солонгос, АНУ, Япон улсууд БНАСАУ-ын эсрэг нэмэлт хориг арга хэмжээ авах асуудлаар НҮБ-ын Аюулгүйн зөвлөлийн хатуухан тогтоол гаргуулах чиглэлд идэвхтэй дипломат үйл ажиллагаа өрнүүлж байгаа юм.
| Умард Солонгос баллистик пуужин туршиж магадгүй | ||
| Үзсэн: 893 | Mongolian National Broadcaster |
Р.Слава
Б.Цоожчулуунцэцэг
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.