Шууд Chart

"Самсунг" корпораци баяжуулсан бодит байдлын технологио танилцуулжээ

2016-02-24 15:50:10

Гар утасны олон улсын үзэсгэлэн яармаг Испанийн Барселона хотод үргэлжилж байна. Тус үзэсгэлэн яармагийн үеэр "Самсунг" корпораци баяжуулсан бодит байдлын технологио олон нийтэд танилцууллаа. Баяжуулсан бодит байдлын технологи гэдэг бол чихэвч бүхий тусгай нүдний шилний тусламжтайгаар кино, дүрслэлийг өөрөө тухайн орчинд нь байгаа мэт бодитоор үзэх боломжийг олгодог технологи. "Самсунг" корпораци харин энэ технологийн нүдний шилийг Фэйсбүүк корпорацитай хамтран бүтээсэн байна.

“Самсунг Гийр” баяжуулсан бодит байдлын нүдний шилээр дүрс бичлэгийг 360 градусын өнцгөөс үзэх боломжтой. Фэйсбүүк хуудсыг үндэслэгч Марк Цукерберг Барселоны үзэсгэлэн яармагт оролцох үеэрээ тус цахим хуудсаар хүмүүс өдөр бүр 100 сая гаруй цагийн дүрс бичлэг үздэг гэх тооцоо гарсныг онцолж байлаа.

Харин өөрөө дүрс бичлэг дотор байгаа мэт мэдрэмж төрүүлэх баяжуулсан бодит байдлын технологи худалдаанд гарснаар дүрс бичлэг үзэгчдийн тоо улам бүр нэмэгдэх төлөвтэй байгаа юм. Энэ технологийн нүдний шилийг зүүсэн хүн Ангараг гарагийн хөрсөн дээр аялж, өндөрт нисэж байгаа дүрс бичлэгийг үзэхдээ өөрийн биеэр эдгээр адал явдалтай нүүр тулж байгаа мэт мэдрэмж авна. Одоогийн дийлэнх дүрс бичлэг 2 хэмжээстээр бүтээгдсэн байгаа.

Тэгвэл 360 градусын дүрс бичлэг үзэх технологитойгоо хамтаар 360 градус буюу бүх өнцгөөс зэрэг бичлэг хийдэг “Гийр 360” камерийг "Самсунг" корпораци худалдаанд гаргахаар зэхэж байна. Ингэснээр баяжуулсан бодит байдлын технологи цогц байдлаар бодит амьдралд нэвтрэх боломж бүрдэж байна.

 

Нийтэлсэн: Э.Энхрэл

"Самсунг" корпораци баяжуулсан бодит байдлын технологио танилцуулжээ  
Үзсэн: 742 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй