Шууд Chart

Ираны парламетын сонгуульд Роуханиг дэмжигчид тэргүүлж байна

2016-02-29 14:35:09

Өнгөрсөн баасан гарагт Иранд хууль тогтоох засаглалын сонгууль боллоо. 80 сая иргэнийх нь 60 орчим хувийг 30-аас доош насныхан бүрдүүлж байгаа Ираны хувьд олон улс хориг арга хэмжээгээ цуцалсны дараа болсон парламентын энэ удаагийн сонгуулиас ямар үр дүн гарах нь олон улсын ажиглагчдын анхаарлын төвд байгаа юм.

Нийт саналын 90 гаруй хувийг тоолсны дараах байдлаар Ираны Ерөнхийлөгч Хассан Роуханигийн тэргүүлсэн эвсэл парламентад нийслэл Тегераныг төлөөлсөн 30 суудалд бүгдэд нь ялалт байгуулсан гэх мэдээ байна. Энэ удаагийн сонгуульд нам эвслүүд парламентын 290 суудлын төлөө өрсөлдөж байгаа юм. Сонгуулийн урьдчилсан дүнгээр Ираны Ерөнхийлөгч Хассан Роуханигийн тэргүүлсэн эвсэл болон аядуу бодлого баримтлагч консерватив үзэлт нам хүчнийхэн Өрнөдийн эсрэг хатуу чиг шугам баримталдаг консерватив үзэлтнүүдээс харьцангуй олон суудал авах нь тодорхой боллоо гэж олон улсын агентлагууд мэдээлж байна.

Өчигдөр Ираны Дотоод хэргийн яам 172 тойргийн санал тооллогын дүн урьдчилсан байдлаар гарсан гэж мэдэгдлээ. Харин орон нутгийн хэвлэлүүд Роуханиг дэмжигч хүчин болон аядуу консервативчууд 63 суудал, консерватив үзэлтэй нам хүчнийхэн 85 суудал авсан гэж мэдээлж байна. Ираны дээд удирдагчийг сонгох эрхтэй Шинжээчдийн зөвлөлийн 88 гишүүнийг сонгох сонгуулийн санал тооллого одоогоор үргэлжилж байна. Урьдчилсан дүнгээр энэ зөвлөлд мөн Роуханиг дэмжигчид тэргүүлж байгаа дүнтэй байна.

Нийтэлсэн: Э.Энхрэл

Ираны парламетын сонгуульд Роуханиг дэмжигчид тэргүүлж байна  
Үзсэн: 1053 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
31.208.17.xxx [31.208.17.xxx] 2016-03-01 01:47
hohino teneg iranuud mongolshig usa g demjdeg tal n parlamented garaad usa-n hool bolohndee baidag gazriin bayalag neftee uguud deer n ohid huuhnuudee neeltei zugaatslii gazar bolgood budaa umard korea l tsever uldehndee ene delhiid

Бидэнтэй нэгдээрэй