Шууд Chart

"Airbus А380" хамгийн урт замд зогсолтгүй нислэг үйлджээ

2016-03-05 13:05:19

Арабын Нэгдсэн Эмират улсын иргэний агаарын тээврийн Эмирейтс компанийн "Airbus А380" нисэх онгоц хамгийн урт замд зогсолтгүй нислэг үйлдсэн тухай “Би-Би-Си” агентлаг мэдээлж байна. Тус нисэх онгоц Дубай хотоос орон нутгийн цагаар 22 цаг 20 минутад хөөрч, 16 цаг 24 минутын дараа Шинэ Зеландын Окленд хотод амжилттай газарджээ. Энэ аян замдаа А380 онгоц 14,200 км замыг туулсан байна.

"Airbus А380" онгоцны энэ удаагийн нислэг арилжааны нислэгүүдийн дундаас хамгийн хол замыг зогсолтгүй туулсан нислэг болж байна. Мөн тус нислэг түүхэн дэх хамгийн удаан хугацаанд тасралтгүй хийсэн нислэг болох байсан ч, харамсалтай нь А380 онгоц төлөвлөсөн хугацаанаасаа 51 минутын өмнө газардсанаар дээрх амжилтын эзэн болох боломжоо алдсан байна. 16 цагийн энэхүү нислэг Дубай, Оклендыг холбосон өмнөх нислэгүүдтэй харьцуулахад 3 цаг хэмнэж байгаа юм. 2 хотын хооронд ийнхүү шууд нислэг нээгдэж байна.

Эхний нислэгийг "Airbus А380" нисэх онгоцоор хийсэн ч, цаашид Эмирейтс компанийнхан Окленд чиглэлийн шууд нислэгтээ “Боинг 777” нисэх онгоц ашиглахаар төлөвлөж байгаа юм байна. Энэ хооронд АНУ-ын Даллас хот, Австралийн Сидней хотын хоорондох шууд нислэг хамгийн урт хугацаатай зогсолтгүй нислэг гэх амжилтаа одоогоор хадгалан үлдэж байна. Тус нислэгээр 13,800 км замыг туулдаг нь Дубай-Окленд чиглэлийн нислэгээс 400 км-ээр бага үзүүлэлт юм.

Цаашид Арабын Нэгдсэн Эмират улсын иргэний агаарын тээврийн Эмирейтс компани Дубайгаас Панам улсын нийслэлийн чиглэлд шинэ шууд нислэг нээхээр төлөвлөж байна. Энэ нислэг нээгдвэл 17 цаг 35 минут гэх нислэгийн хугацаагаараа Даллас-Сидней чиглэлийн нислэгийн тогтоосон дээд амжилтыг эвдэнэ гэж шинжээчид үзэж байна.

Нийтэлсэн: Э.Энхрэл

"Airbus А380" хамгийн урт замд зогсолтгүй нислэг үйлджээ  
Үзсэн: 839 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
203.194.114.xxx [203.194.114.xxx] 2016-03-05 13:32
teneg setguulchee zogsoltgui bish buulgui nisleg hiilee gedeg yum.chi ongotsiig yaj agaart zogsooh geev? ingej baihaar nutagtaa ochij malaa hariul

Бидэнтэй нэгдээрэй